De sacerdotii theologia in sancti Augustini scriptis

Augustyn Eckmann

Abstract

Disputatiuncula haec duabus partibus constat. In parte prima commune sacerdotium regale fidelium demonstratur, in parte altera sacerdotium hierarchicum ordinum tractatur. Sacerdotium commune fidelium cum ministerio Ecclesiastico quadam cogitandi agendique similitudine conectitur, sed in his Augustinus ordinem clericorum a reliquis distinguit. Proprie vocantur in Ecclesia sacerdotes: episcopi et presbyteri, omnes autem christiani vocantur etiam sacerdotes, quoniam membra sunt unius Sacerdotis. Omnes fideles sacrificant Deo hostiam humilitatis et laudis in ara cordis, opera misericordiae, sacrificia eleemosynarum, ieiuniorum, sacrificium caritatis, orationis, humilitatis, laudis, iustitiae. Totum sacrificium est ipse christianus. Ipse homo Dei nomine consecratus et Deo votus in quantum mundo moritur, ut Deo vivat, sacrificium est. Sacerdotium commune fidelium est sacerdotium baptismatis et gratiae.